బండ్లన్న ఇన్ని రోజులు బాస్ పై సైలెంట్..ఇప్పుడే ఎందుకిలా?

పవర్ స్టార్ పవన్ కల్యాణ్ కు నిర్మాత బండ్ల గణేష్ వీరాభిమాని వీర విధేయుడు అన్నది తెలిసిందే. పవన్ కల్యాణ్ సినిమా ప్రీ రిలీజ్ ఈవెంట్ అంటే బండ్లన్న స్పీచ్ వుండాల్సిందే. ఈశ్వరా పవనేశ్వరా.. పవరేశ్వరా.. నా దేవరా.. అంటూ బండ్ల గణేస్ ప్రీ రిలీజ్ ఈవెంట్ లలో చేసే రచ్చ అంతా ఇంతా కాదు. బండ్ల స్పీచ్ కి పవన్ కల్యాణ్ అభిమానులు ఫిదా అయిపోతుంటారు. తమ ఫీలింగ్స్ ని బండ్ల గణేష్ చెబుతున్నాడన్ని సంబరపడుతూ బండ్ల గణేష్ కు అండగా నిలుస్తుంటారు.

అయితే గత కొంత కాలంగా బండ్లనప్న పవన్ కు దూరంగా వుంటూ వస్తున్నారు. అదేమంటే తనని కొంత మంది కావాలనే నా దేవర పవన్ కల్యాణ్ కు దూరం చేస్తున్నారంటూ సంచలన వ్యాఖ్యలు చేయడం తెలిసిందే.

అంతే కాకుండా మాటల మాంత్రికుడు త్రివిక్రమ్ కారణంగానే తాను పవన్ కల్యాణ్ కు దూరం చేయబడుతున్నానని బండ్ల గణేష్ ఆ మధ్య విడుదల చేసిన ఆడియో టేప్ నెట్టింట తీవ్ర కలకలం సృష్టించింది.

అప్పటి నుంచి సైలెంట్ గా వుంటున్న బండ్లన్న గాలి తాజాగా పవన్ కల్యాణ్ వైపు మళ్లింది. ఈ నేపథ్యంలో పవన్ పై బండ్లన్న శనివారం సోషల్ మీడియా వేదికగా చేసిన ట్వీట్ లు నెట్టింట వైరల్ గా మారాయి. 'మిమ్మల్ని అర్థం చేసుకొని మిమ్మల్ని ప్రేమిస్తూ మీ ప్రేమను పొందుతూ సినిమా తీస్తే బాక్స్ బద్దలే..నా దైవ సమానులైన మా ⁦పవన్ కల్యాణ్. మీరు తెలుగు చలన చిత్ర చరిత్రలో రికార్డులు తిరగరాసే సినిమా త్వరగా తీయాలని మనస్ఫూర్తిగా కోరుకుంటూ మీ బండ్ల గణేష్' అని పవన్ ని రిక్వెస్ట్ చేస్తూ  'గబ్బర్ సింగ్' ఆన్ లొకేషన్ ఫొటోలని పంచుకున్నారు.

ప్రస్తుతం ఈ ట్వీట్ లు సోషల్ మీడియాలో వైరల్ గా మారాయి. ఈ నేపథ్యంలో ఫ్యాన్స్ బండ్ల గణేష్ పై ప్రశ్నల వర్షం కురిపిస్తున్నారు. మళ్లీ మీరు పవన్ కల్యాణ్ తో సినిమా చేయబోతున్నారా? అంటూ ప్రశ్నిస్తున్నారు.

బండ్లన్న మాత్రం దీనికి సమాధానం చెప్పడం లేదు. ఉన్నట్టుండి బండ్లన్న పవన్ ని బ్లాక్ బస్టర్ సినిమా తీయమని కోరడం ఏంటని అంతా అవాక్కవుతున్నారు. ఇంత కాలం వేదాంత ధోరణిలో ట్వీట్ పెడుతూ అనుమానాలు రేకెత్తించిన బండ్ల గణేష్ ఇప్పడు ఇలా పవన్ కు రిక్వెస్ట్ లు పెట్టడం ఏంటో అర్థం కావడం లేదని ఫ్యాన్స్ అంటున్నారట.
× RELATED అనిల్ రావిపూడి మూవీ దిల్ రాజు ఎందుకు మిస్సయ్యాడు!
×