‘రాలిపోయే పూవా నీకు రాగాలెందుకే’ ట్రంప్కు సెట్ అయ్యే పాట ఇదేనేమో..!

ఒకప్పుడు ఆయన కింగ్. యావత్ ప్రపంచాన్నే శాసించాడు. ఆయన చెప్పిందే వేదం.. చేసిందే శాసనం. అమెరికా ఫస్ట్ అనే నినాదంతో అనూహ్యంగా బరిలోకి దిగిన డొనాల్డ్ ట్రంప్ ను అమెరికన్లు అక్కున చేర్చుకున్నారు. అతడిని అందలం ఎక్కించారు. ట్రంప్ కూడా ఉర్రూతలూగించే ప్రసంగాలతో జనాలకు మాంచి కిక్ ఇచ్చేవాడు. కానీ రోజులు మారాయి. అతడి పాలనపట్ల ప్రజలకు విరక్తి వచ్చింది. కరోనా సమయంలో అతడి ప్రవర్తన మరీ విసుగెత్తించింది. ఫలితం అమెరికా ప్రజలు ట్రంప్ను ఓడించారు.

ఆ స్థానంలో జో బైడెన్ అనే మరో నేతను ఎన్నుకున్నారు. అయితే ఓటమిని అంగీకరించి.. హుందాగా అధికార మార్పిడికి సహకరించవలసిన ట్రంప్ ఎదురుదాడికి దిగారు. ఎన్నికల్లో అక్రమాలు జరిగాయని.. డెమోక్రాట్లు అక్రమాలు చేసి గెలుపొందారని వాదించారు. అతడి వాదలను అక్కడి ఎన్నికలసంఘం కోర్టులు తోసిపుచ్చాయి. అయినా ట్రంప్ మొండిగా మందుకువెళ్లాడు. ప్రజలను తన మద్దతుదారులను రెచ్చగొట్టాడు. ఫలితంగా ఆయన అనుచరులు వాషింగ్టన్లోని అమెరికా పార్లమెంట్ భవనంపై దాడి చేశారు. ఈ దాడిని ట్రంప్ సమర్థించారు కూడా. దీంతో సొంతపార్టీలోనే ఆయనపై విమర్శలు వచ్చాయి.

సామాజిక మాధ్యమాలు సైతం ఆయన అకౌంట్లు తొలగించాయి. ట్విట్టర్ ఫేస్ బుక్ లాంటి సంస్థలు ఆయన అకౌంట్లను తొలగించాయి. యూట్యూబ్ కూడా ఆయన అకౌంట్లపై ఆంక్షలు విధించింది. అయితే తాజాగా టిక్టాక్ సంస్థ కూడా ట్రంప్కు సంబంధించిన వీడియోలన్నీ తీసేసింది. టిక్టాక్పై గతంలో ట్రంప్ కొరడా ఝలిపించిన విషయం తెలిసిందే. అయితే ఆ కోపంతో ఉన్న టిక్టాక్ . అవకాశం వచ్చినప్పుడు పగ తీర్చుకున్నదని విశ్లేషణలు వస్తున్నాయి. మరోవైపు యూట్యూబ్ సంస్థ కూడా ట్రంప్ మాట్లాడిన పలు వీడియోలను తొలగించింది. మొత్తానికి ఒకప్పుడు ప్రపంచాన్నే శాసించిన ట్రంప్ పరిస్థితి ప్రస్తుతం ఇలా మారిందంటూ ఆరోపణలు గుప్పిస్తున్నారు విశ్లేషకులు.


× RELATED స్థానిక పోరులో జనసేన - బీజేపీ కలిసి అన్ని చోట్లా పోటీ చేస్తుందట!
×