విద్యార్థులకు టీచర్ అసైన్ మెంట్

పోర్నో గ్రఫీ.. అంటే శృంగారంలోని రకాలపై శోధించే శాస్త్రమన్నట్టు.. పోర్న్ వీడియోలు విచ్చలవిడిగా ఆన్ లైన్ లో ఉంటున్న వేళ ఇదే సబ్జెక్ట్ పై ఓ టీచర్ తన విద్యార్థులకు అసైన్ మెంట్ ఇవ్వడం కలకలం సృష్టించింది.

లైంగిక విద్యలో భాగంగా 11-14ఏళ్ల వయసున్న విద్యార్థులకు పోర్నోగ్రఫీపై అసైన్ మెంట్ ఇచ్చింది బ్రిటీష్ టీచర్. పోర్న్ రకాలను వర్ణించాలంటూ విద్యార్థులకు సూచించింది. దీనిపై తల్లిదండ్రుల నుంచి విమర్శలు రావడంతో సారీ చెప్పింది.

ఇంగ్లండ్ దేశంలోని హుల్ ప్రాంతంలోని ఆర్చిబిషప్ సెంటాము ఆకాడమీ స్కూల్ లో ఓ టీచర్ చేసిన నిర్వాకమిదీ.. 11-14 ఏళ్ల విద్యార్థులకు పోర్నో గ్రఫీ రకాలను నెట్ లో చూసి రాయాలని సూచించింది. విద్యార్థులకు మెటీరియల్ కూడా పంపింది. సాఫ్ట్ పోర్న్ - హార్డ్ కోర్ పోర్న్ - రివేంజ్ పోర్న్ అనే మూడు రకాలపై వర్ణించాలని విద్యార్థులను కోరింది.

ఇక ఇవే కాదు.. ఆ అసైన్ మెంట్ లో స్త్రీల జననేంద్రియాల వైకల్యం - బ్రెస్ట్ ఐరనింగ్ - ట్రాన్స్ జెండర్ పోర్న్ - సెక్స్ మార్పిడి రకాలు వివరించాల్సిందిగా స్కూల్ టీచర్ నివేదిక వెల్లడించింది. విద్యార్థుల వ్యక్తిగత - సామాజిక - ఆరోగ్య విద్యలో భాగంగా అసైన్ మెంట్ ఇచ్చామని స్కూల్ తెలిపింది. అయితే ఈ స్కూల్ నిర్వాకంపై యూకే విద్యాశాఖ సీరియస్ అయినట్టు తెలిసింది.





× RELATED టీటీడీ చెప్పినట్లు ఇప్పుడు ఆస్తులు అమ్మితే వచ్చేదెంత?
×