పతంగి’ పార్టీ ఎంఐఎం జీహెచ్ఎంసీ ఎన్నికల్లో పెద్ద టార్గెట్ పెట్టుకుంది. టీఆర్ఎస్ తో పొత్తు పెట్టుకోకున్నా అవగాహనతో ముందుకెళుతున్న ఈ పార్టీ ఇప్పుడు గ్రేటర్ లో అనుకున్న సీట్లను గెలుస్తామని ధీమా వ్యక్తం చేస్తోంది. ప్రచార పర్వంలో తమదైన వ్యూహాలతో ఎంఐఎం ముందుకు వెళుతోంది. పరిస్థితులు అనుకూలిస్తే ఖచ్చితంగా పూర్వ వైభవాన్ని సాధిస్తామని ఉవ్విళ్లూరుతున్నారు.

మజ్లిస్ పార్టీ మొత్తం 51 డివిజన్లలో పోటీచేస్తోంది. ఇందులో 50 స్థానాలు గెలవాలన్నది ఎంఐఎం టార్గెట్ . ఇక అన్ని కూడా ఖచ్చితంగా గెలుస్తామన్న స్థానాలనే ఎంఐఎం టార్గెట్ గా పెట్టుకుంది.

పక్కా ప్రణాళికలు సిద్ధం చేసుకొని అభ్యర్థులను నిలబెట్టింది. గతంలో కంటే భిన్నంగా ప్రచారం చేసిన ఎంఐఎం.. అధికార పార్టీకి అనుకూలంగా ఉంటుందన్న ముద్రను ఎక్కడా కూడా రాకుండా చూసుకుంది.

అధికార టీఆర్ఎస్ పార్టీకి అనుకూలంగా ఉంటుందన్న ముద్రను ఎక్కడా రాకుండా చూసుకుంది. టీఆర్ఎస్ తో ఎలాంటి పొత్తు లేదని ప్రజలకు చెప్పుకొచ్చింది. దానికి తగ్గట్టుగానే ఆ పార్టీ నేతల నుంచి టీఆర్ఎస్ వ్యతిరేక వ్యాఖ్యలు వినిపించడం విశేషం.